Autor i muzikës dhe autor i fjalëve të tekstit rezulton të jetë Kreshnik Avdiu, për këngën ka punuar si orkestrues Mevlan Kurtishi, ndërsa produksioni u mor përsipër nga Salam Media. Për tu parë dhe kuptuar më mirë, ky projekt artistik finalizohet dhe vjen tek audienca e gjerë nga ana vizuale me anë të një videoklipi, video produksioni i të cilit u përgatit nga Galaktika, teksa regjia e videos u mor përsipër nga Agim Abdula. Kjo premierë erdhi në platformat online më 19 Mars 2025 dhe menjëherë pas publikimit komentet ishin të shumta. Çdo individ është një histori e veçantë, një shenjë e bukurisë dhe forcës që ndodhet brenda secilit prej nesh. Personat me nevoja të veçanta janë pjesë e pasurisë që na pasuron dhe na bën të kuptojmë thelbësoren: se secili prej nesh ka diçka të çmuar dhe të veçantë për të ofruar. Siç thotë edhe Kur'ani: "Ne i kemi nderuar bijtë e Ademit dhe i kemi mbajtur ata në tokë dhe det, dhe u kemi dhënë nga gjërat e mira dhe i kemi preferuar ata mbi shumë nga ata që kemi krijuar, me një preferencë të qartë"(17:70), dhe çdo individ, pavarësisht prej aftësive të tij, është një dhuratë e çmuar që meriton dashuri dhe respekt.
Çdo jetë është një shenjë e lavdisë së Krijuesit, një dritë që ndriçon rrugën tonë?