Renis Gjoka i lindur më 12 maj 1987 në Tiranë, Shqipëri është një këngëtar dhe kompozitor shqiptar. Ai studioi violinë për 8 vjet gjatë fëmijërisë së tij, gjë që e ndihmoi të kuptonte më mirë muzikën dhe kushtet e saj. Më vonë u diplomua në Sociologji dhe Marketing. Dalja e parë e Renis Gjokës ishte në vitin 2004 me ish-bandën e tij në një garë të madhe për kohën e quajtur 'Top Fest', ku grupi fitoi çmimin "Artisti i ri më i mirë". Popullariteti i grupit po rritej nga hitet dhe videoklipet e shumta që përfunduan me albumin "Nje hap perpara", duke fituar edhe shumë çmime.

Në vitin 2012 ai u largua nga grupi për t'u fokusuar në karrierën e tij solo, e cila numëron 10 këngë, 5 prej tyre janë fituese të çmimeve, dhe 3 videoklipe, njëra prej tyre "Une dhe Gogoli" fitoi çmimin e parë në spektaklin vjetor të klipeve më të mira në Shqipëri. Çmimi i fundit ishte në Bullgari ku përfaqësoi Shqipërinë në Festivalin Balkanic Rock Music, ku fitoi çmimin e parë. Ka marrë pjesë në koncertet më të rëndësishme në Shqipëri, Kosovë dhe Maqedoni.

Ai është një nga këngëtarët më të spikatur të rrymës rrok dhe kjo jo rastësisht pasi kënga është e trashëguar në genet e tij.

• {{ evt.section_title }}

  {{ evt.title_feed }}

  {{ evt.subtitle_feed }}

  ✦ {{ stb }}

  ---

  📆  {{ evt.fancy_date }}