Lamtumirë vendet e mia
Që po zhduken o dalëngadalë
Gjëmon deti, ushton duhia
Lkundet barka o valë mbi valë

Kah njaj diell qe asht tuj flakrue
Andej fill un o tash do t'veta
Lamtumirë o atdhe i bekue
Lamtumirë për sa t'jetë jeta x2

Neser nadje kur mbi ne
Rrezja e diellit o ka me ra
Kush e din sa uje e dhe
Mu prej teje o ka me më nda

E po në vetsha retë mizore
E po në vetsha zogjtë e detit
Se për ty moj tokë arbënore
S'ka me m'fol ma kush mu t'shkretit x2

Tjera fusha e tjera zalle
Kam me pa e tjera dete
Kam me ndi po tjera valle
Tjera gjuhë, tjera qytete

Vendin tem, po, s'kam me pa
Ku kam le e jam burrnue
Sytë e mi edhe kanë me kja
Pa u gjet kush qi me i ngushllue x2

Pa ken temin pos nji zotit
Tuj shtegtu për dhe të huej
Kanë me m'shku mue dit' e motit
Sha e përbuzun o prej gjithkuej x2