Ah sa e bukur, sa e bukur
Sa e bukur je në mëngjes
Ah sa i lumtur, yll bote
Kur më shohin dy sytë e zezë

Ah sa e amël, sa e amël,
Sa e amël dashnia e shkretë
Ta bëka zemrën të hidhet
E dridhet si një purtekë

O moj e bukur fort të dua
O moj syzezë, ty o moj perri
Ah seç ma prishe mendjen mua
E s’kam të ngopur jo, me dashuri

Oh sy të zeza, të zeza,
Të zeza sa vezullojnë
Me bisht të syrit, të syrit,
Të syrit më ledhatojnë

O fytyrëhëna nga lotët,
Praruar që më buzëqesh
E imja e bukur, e imja
O e bukur ti do të jesh