TEKSTESHQIP
Silva Gunbardhi
Silva Gunbardhi

Krijuesit E Hitit “Të Ka Lali Shpirt“ Nisin Karrierën Në Turqi

16-9-2015
Krijuesit E Hitit “Të Ka Lali Shpirt“ Nisin Karrierën Në Turqi
Ka pak muaj që ka sjellë në jetë djalin e saj, por si duket energjitë që ka si femër artiste nuk lejon që t’i shterren.

Silva Gunbardhi bashkë me bashkëshortin e saj Dafi, pasi sollën hitin "Të ka lali shpirt", këngë që u transmetua gjithandej botës mbarë, duket se tani synojnë përtej tregut shqiptar për të treguar talentin e tyre në muzikë.

Ata së shpejti do të sjellin bashkëpunimin me këngëtarin turk Serkan Kaya. Në një bisedë për Panoramën, Dafi tregon edhe detaje mbi koncertin e fundit që e kanë pasur në Stamboll para më shumë se 10 mijë njerëzve në publik.

"Serkan Kaya është një këngëtar shumë i suksesshëm, në koncert kishte më shumë se 10 mijë persona në publik, dukej sikur dridhej i gjithë Stambolli, e gjithë kjo po bëhet nga menaxheri im që njëkohësisht është dhe organizatori i "Miss Exluzive od the World", thekson Dafi, i cili bashkë me Silvën duket se nuk do të ndalen por do vazhdojnë karrierën e tyre edhe jashtë trojeve shqiptare.

"Tregu turk po na kërkon, pse jo? Por edhe në këngët tona që ne do bëjmë duet me këngëtarët turq ose nga e gjithë bota kurrë nuk do të mungojnë vargjet shqip pasi ne duam që e gjithë bota të këndojë në gjuhën tonë", thekson në fund të bisedës Dafi.
(Indeksonline)

MË SHUMË LAJME

Komente 0