Muzikën dhe tekstin e krijuan vetë Venera Lumani & Lind Islami, teksa për produksionin audio ka punuar në studio Elgit Doda. Për t'iu përgjigjur pyetjes nëse do vijojë suksesi, ky hit artistik u lansua si dhuratë tek ndjekësit i ilustruar në dimensionin vizual edhe me videoklip, video produksionin e të cilit e punoi Papadhimitri Film Production. Video hiti impaktoi platformat online më 24 Nëntor 2024 dhe menjëherë pas publikimit filloi të dëgjohej kudo. Venera: "Kjo këngë erdhi në një periudhë shumë të veçantë për ne, pikërisht kur mësuam se do të bëheshim prindër. Një nga frikërat tona më të mëdha duke qënë se nuk do të ishim më vetëm ne të dy, ishte se sa shumë do të na mungonte koha si Venera & Lind dhe nëse dashuria jonë do të ndryshonte. Dhe po, ndryshimi ishte magjik. Dashuria jonë u rrit, zemra u bë më e madhe dhe krijoi hapësirë për një dritë të re që po vjen në jetën tonë".