Nuk ka shumë kohë që erdhi në publik me këngën e saj të re ‘Diçka më shumë’ të cilën e solli në bashkëpunim me rep artistin Blasta. Këngë kjo që u mirëprit në publik. E në lidhje me këtë bashkëpunim edhe vetë këngëtarja është shprehur e kënaqur.



“Jam shumë e kënaqur me suksesin e këngës së fundit. Falënderoj publikun tim i cili edhe njëherë e mirëpriti projektin tim. Unë realisht mundohem që të punoj sa më shumë e po ashtu të bëj këngë për shijen e publikut tim. Është kënaqësi kur shoh që edhe mundi më shpaguhet, pasi që publiku im gjithmonë më mirëpret. Shpresoj që edhe në të ardhmen projektet e mia do të pëlqehen”, ka thënë Adelina në fillim të bisedës.



Ajo ka treguar se menjëherë pas publikimit të këngës së re i është përveshur punës që në publik të vijë edhe më një këngë tjetër, kësaj radhe solo. “Unë menjëherë pas lansimit të këngës së re, kam filluar të punoj për këngët tjetër. Tani jam në proces të punës që në publik të sjell edhe një këngë solo. Kjo këngë shumë shpejt do të publikohet”, ka thënë Adelina më tej.