TEKSTESHQIP
Ardit Gjebrea
Ardit Gjebrea

Edhe Arditin E Shqetëson Ngrohja Globale

10-11-2013
Edhe Arditin E Shqetëson Ngrohja Globale
Kantautori dhe prezantuesi i njohur Ardit Gjebrea ka ndarë me fansat e tij një shqetësim, që nuk i përket ndonjë problemi social apo të prekshëm të realitetit tonë, por diçka tjetër më makro. Bëhet fjalë për motin dhe faktin se si ai ka ndryshuar.
Këtij fenomeni ai i ka kushtuar këtë status: "Po bëhem gati të dalë, më duhet të kaloj pak nga Pallati i Koncerteve për të përgatitur netët finale të "Këngës Magjike". Për 15 vjet i njëjti ritual, por sot po reflektoj me zë për NDRYSHIMIN E MADH!
Vite më parë, në të njëjtën ditë pothuaj, vishja një këmishë, një pulovër, çorape të trasha e këpucë shpesh me qafa, me xhup dimri. Çadra ishte pjesë e pandarë e ditëve dhe avulli që dilte nga frymënxjerrja, fillonte i zbehte e deri në netët finale bëhej i lexueshëm tek çdo artist që shpesh e mbulonte me shallin e trashë duke ruajtur veten nga ndonjë grip sezoni.
Ndërsa bukurisë së ftohtë, i doja shumë majën e Dajtit të zbardhur nga bora. E sot?! Asgjë nuk është si më parë. Çfarë ka ndodhur me kohën? A është normale e gjitha kjo?:- ka shkruar Arditi në llogarinë e tij në rrjetin social Facebook.
(b.t/shqiptarja)

MË SHUMË LAJME

Komente 0