Është kthyer nga Suedia ndërsa ka nisur përgatitjet për xhirimin e videoklipit të saj të ri. Është kjo bukuroshja nga Prishtina Drenusha Latifi e cila e pranon se është në fazën e xhirimit të klipit por se e tëra do të shihet në janar kur edhe do të publikohet produkti në të cilin ajo po punon. “Po jam duke bërë xhirimet dhe vetëm mund të them se me stafin tim që bashkëpunoj po mundohemi që të krijojmë diçka ndryshe e atraktive. Diçka kreative për me fillu vitin mbarë”, thotë Drenusha për “Zërin”.



Kohëve të fundit ajo nuk është parë në Prishtinë ndërsa këtë mungesë e arsyeton me faktin se e ka shoqëruar të dashurin e saj për një kohë në Suedi, ku edhe jeton e vepron ai. “Unë jam kthyer që të punoj në klip e ai ka mbetur që të vazhdoj me punët e tij ndërsa po afrohen festat e fundvitit të cilat do ti presim së bashku”, ka thënë ajo.