Kompozimi dhe teksti është një krijim nga Starset, teksa producent i këngës është Jeris Kaso. Ky krijim artistik serviret i realizuar me vlera artistike me anë të një videoklipi, për video produksionin e të cilit është përkujdesur MAX Production. Video premiera u transmetua me datë 26 Dhjetor 2025. Krishtlindjet duken si një pauzë... një moment për të marrë frymë, për të ndjerë dhe për të dëgjuar zemrën. "Ajo që Doja" është një këngë për pikërisht këtë ndjesi -- kur më në fund kupton çfarë ke kërkuar vërtet. Jo diçka të zhurmshme. Jo diçka perfekte. Thjesht diçka të vërtetë. Është për zgjedhjen e sinqeritetit mbi konfuzionin, ndjenjave mbi frikën, dhe pranimin e së vërtetës -- edhe kur ajo është e qetë. Kjo këngë ka shumë vlerë për mua dhe jam pafund mirënjohëse ndaj të gjithë bashkëpunëtorëve që punuan në këtë projekt -- autorë, producentë, krijues dhe të gjithë ata pas kamerave që e sollën këtë këngë në jetë ? Më 26 Dhjetor, po e ndaj "Ajo që Doja" me ju. Shpresoj t'ju gjejë në momentin e duhur. Faleminderit që jeni këtu me mua, për dashurinë dhe mbështetjen tuaj. Me dashuri, Efi