Melodinë dhe tekstin e përgatiti Ada Verdi. Ky material artistik është paraqitur si dhuratë i kompletuar bukur me një klip muzikor, produksioni i të cilit u përgatit nga Arbi Malile Cc Creative Consulting, teksa u xhirua me regji nga Ergi Nune. Premiera u publikua me datë 1 Qershor 2019. "Gëzuar Ditëlindjen" është projekti më i fundit muzikor dhe kjo këngë lindi menjëherë dhe ishte një ide origjinale e Efit për t'ia kënduar një fëmije në ditën më të veçantë, ditëlindjen. Për të zgjedhur personin që Efi do ta këndonte këngën "Gëzuar Ditëlindjen" për herë të parë, ajo filloi një konkurs në Instagram @efigjika dhe nga mijëra pjesëmarrës nga e gjithë bota, fituesja ishte Eliska nga Praga, me llogarinë në Instagram @ellie.lollipopz. Fituesja u zgjodh rastësisht dhe mund të shihet në @efigjika. Në ditëlindjen e saj, më 24 prill të këtij viti, Efi dhe ekipi i saj fluturuan për në Pragë dhe e surprizuan Elikën, duke i kënduar këngën e re "Gëzuar Ditëlindjen" drejtpërdrejt në ditëlindjen e saj.