Melodinë dhe orkestrimin e përgatiti Kledi Bahiti, teksa kënga është një krijim me tekst nga Elios Shuli. Një klip ndikon tek suksesi, ndaj produkti në fjalë do lansohet tek audienca e gjerë mjaft këndshëm me anë të një videoklipi, i cili pritet të publikohet gjatë ditëve në vijim, por akoma nuk është njoftuar se në cilën datë. Elita shkruan ne rrjetet sociale: "Zbulojmë vetëm pak nga surpriza që do të vijë. Rikthehem këtë herë me një këngë dashurie dhe me "pak dhimbje." Më kishte marrë malli për Elitën e baladave, ndaj kjo këngë do të vijë, si dedikim për zemrat e lënduara. Do prisni edhe pak, deri sa t’i këndoni "Një herë në vit", historisë tuaj të dashurisë. Ju dua!".