Elton Deda Rikthehet Në Tiranë Dhe Hap Klub Nate

TEKSTESHQIP

Elton Deda

Elton Deda Rikthehet Në Tiranë Dhe Hap Klub Nate

2-9-2012

Do të jetë një fillim i ri për jetën e kantautorit të njohur Elton Deda, i cili është kthyer përfundimisht në Tiranë, pas disa muajve të verës që kaloi në Shtetet e Bashkuara të Amerikës, ku siç thuhet i ka dhënë fund martesës disavjeçare me Jolën, vajzën e Pirro dhe Pavlina Manit. Ndërkohë që pas përfshirjes së menjëhershme në jetën artistike të Tiranës, si një nga anëtarët e jurisë të "The Voice", Deda po përgatitet të hapë një klub nate me emrin "ROCKSTOCK" në Tiranë, pikërisht pranë Taivanit.

Deda ka njoftuar miqtë e tij nëpërmjet profileve zyrtare në rrjetet sociale për këtë sipërmarrje të re, ndërsa ka pohuar se do të këndojë "live" këngë të rrymave të tij: rock blues, alternative, pop etj. Vetë Deda ka pohuar se në netët "live", që do të nisin me hapjen e lokalit në muajin tetor, do të këndojë me vajza të reja artiste, në këtë sezon të ri të jetës së natës në Tiranë, shkruan gazeta Panorama.

Elton Deda i rikthehet kështu jetës së natës pas gati 8 vjetësh, kur bashkë me Sandër Gjokën dhe Redon Makashin këndonin në klubin me emër "Tre musketarët". Ai vendos të rikthehet pas fjalëve që nisën të qarkullonin se ai ishte në proces divorci me bashkëshorten e tij, nga martesa me të cilën kanë një djalë.

Vetë artisti ende nuk ka pranuar të flasë në media në lidhje me jetën private dhe arsyet që e çuan në ndarje.

(Express )

MË SHUMË LAJME

Komente 0