Endri, “Ylli Më I Ri Në Skenën Tonë“

TEKSTESHQIP

Endrit Elshani (Endri)

Endri, “Ylli Më I Ri Në Skenën Tonë“

22-1-2015

Endri, një yll i ri i muzikës në skenën tonë ka debutuar për herë të parë në skenën e muzikës me këngën "Na Dy". Endrit Elshani është vetëm 15 vjeç dhe ka shënuar sukses mjaft të madh me videoklipin e tij të parë. Endri vjen në këtë intervistë ekskluzive për të na rrëfyer gjithçka rreth projektit të tij të parë muzikor..

TeksteShqip: Endi, keni deubutar për herë të parë në skenë me këngën "Na dy". Na flisni pak më shumë rreth projektit?

Endri: Përshëndetje, po kjo është kënga ime e parë e punuar nga zzap & chriss, kënga është pritur shumë mirë, jam shum i kënaqur si ka hec kënga në youtube dhe si është pranuar në publik.

TeksteShqip: Sa e pate të vështirë që të kyçesh në muzikë?

Endri: Unë kam ushtruar rreth 3 vite, kam kënduar covera dhe unë me thënë të drejtën e kam pasur pak më lehtë sepse kam pasur përkrahjen e 2 axhëve të mi i cili njëri është producent e tjetri menagjer i imi.

TeksteShqip: "Na Dy" titullohet kënga më e re, përse ky titull? Është real apo thjesht inspirim i tekstshkruesit?

Endri: Është inspirim i tekstshkruesit, ka prekur një temë të jetës së përditshme të rinjve ku kjo moshë preket shumë me këto ndjenja.

TeksteShqip: Cili është projekti tjetër nga Endri që e presim në vitin 2015?

Endri: Po do ketë një projekt të ri i cili do dal në prill producuar nga zzap & chriss.

TeksteShqip: Bashkpunoni vazhdimisht me zzap & chriss në studion e On Records? Do vazhdosh bashkpunimin me ta dhe sa je ndarë i kënaqur nga kënga e parë?

Endri: Pp, bashkpunimin do e vazhdoj me zzap & chris dhe On records. Shumë jam i kënaqur me ta dhe punën e tyre.

TeksteShqip: Jeni nën menaxhimin e Met Elshani, menaxheri poashtu i Kides? Çfarë raportesh ke me të, keni lidhje familjare dhe si është ai si menaxher?

Endri: Po Mehmet Elshani është menagjeri dhe xhaxhai im, kemi raporte shumë të mira por edhe njëkohësisht është shum i rrept në punë kërkon shumë diciplinë.

TeksteShqip: Endri, ju jeni vetëm 15 vjeç, studioni në kolegj. Si po ju ecin mësimet pasi që tashmë je i angazhuar edhe me muzikë?

Endri: Po unë jam 15 vjeç, jam në shkollen "Mehmet Akif" në Prizren, shkolla mesme pak e kam më vështirë me mësime për shkak të karrierës por po i menagjoj disi.

TeksteShqip: Mendon që në verën e vitit 2015 do të jesh pjesë edhe e koncerteve?

Endri: Të shohim, është pak problem për shkak të këngëve se kam pak por nëse më ftojnë do të performoj ato këngë që do ti kem këtë verë.

TeksteShqip: A do të merrje pjesë në ndonjë festival muzikor?

Endri: Nuk e di, vendos menagjmenti për këto gjëra.

TeksteShqip: Endri faleminderit që ishe pjesë e intervistës sonë. Për fund ke për të shtuar diçka? Dëshiron ti përshëndesësh fansat e tu dhe lexuesit e intervistës?

Endri: Faleminderit për intervistën, ju dëshiroj punë të mbarë. Fansat i përshëndes dhe i falenderoj për mbështetjen dhe ju them që i dua shumë dhe se në prill vjen projekti im i radhës dhe shpresoj që do të ju pëlqej. Faleminderit!

Endri

Na Dy

[Teksti dhe Klipi]

(B.A/Teksteshqip.Com)

MË SHUMË LAJME

Komente 28