Shiu po pushon mbi gjethe pemësh
të ulur në një stol qëndronim të dy,
shumë urime mora unë për ditëlindje
por asnjë urim nuk kisha marrë nga ty.

Ja u ngrite ti drejt pemës ece lehtë,
qeshe dhe më urove: "Ti u bëfsh njëqind!".
Lart në qiell mes reve doli dielli rrezear,
pikat përmbi gjethe morën dritë.

Refreni:
Dhe erdhëm ne pranë e pranë
degën lehtë e shkunde ti,
qindra pika shiu mbi supe më ranë,
por jo s'u laga se ato
m'u bënë vite atë çast
që urimi yt m'i sillte fare pranë. (2 herë)