>
BIOSHQIP

Genta Ismajli, Më E Shikuara Në Youtube

11-01-2009
Më e bukura? Nuk bëhet fjalë për asnjë prej videoklipeve për të cilët këngëtarja ka shpenzuar mijëra euro për t'i realizuar, por bëhet fjalë për një klip amator që një simpatizues i saj e ka krijuar duke gërshetuar dhjetra foto të Gentës, shoqëruar me këngën "E kam shpirtin eksploziv". Rezultati? Sipas hulumtimit të bërë nga albaniac.com, kjo video amatore e Gentës ka marrë 1,847,758 klikime, duke u shndërruar në videon më të shikuar shqiptare në internet. Pas Gentës, i dyti më i shikuar radhitet një videoklip i Medës "Ah moj jetë" me 1,245,530 klikime dhe pas tij videoja rreth vizitës së Bushit në Tiranë. Kështu, sa u përket klipeve, Meda del i pari, pasuar nga "Krejt e dinë" të Getit e Gentës dhe "Mirëdita" të Adelinës. Meda është i pari edhe për sa u përket videove nga koncerte të ndryshme, me një potpuri kënduar së bashku me Mahmut Feratin me 958,055 shikime, pasuar prej performancës së Muharrem Ahmetit - "Italia" në Top-Show dhe performancës së Vesa Lumës me "Jemi dhe s'jemi" në një koncert.
(botasot)

Genta Ismajli, Më E Shikuara Në Youtube