Njerëzit nxitojnë, në punë shkojnë,
Një motiv të këngës sime
Midis tyre unë po kërkoj.

Gëzoj, shikoj, njerëzit takoj,
Dua unë me këngën time,
Gazin njerëzve t'ua shtoj.

Më pëlqen të shikoj rininë në brezare,
Bujku arën kur mbjell.
Gjethe pemësh kur fëshfërisin
Edhe dimrit një ditë me diell.

Më pëlqen kur shikoj çifte të lumtur,
Djemtë kur lozin në shesh.
Mbi një lule kur ndal një flutur,
Vajza djalit kur i buzëqesh.

Gëzoj, shikoj, njerëzit takoj.
Dua unë me këngën time
Gazin njerëzve t'ua shtoj.

Dhe rri, mendoj, shëtis, shikoj.
Kam dëshirë që kënga ime,
Midis njerëzve të jetojë.

Më pëlqen kur shikoj çifte të lumtur,
Djemtë kur lozin në shesh.
Mbi një lule kur ndal një flutur,
Vajza djalit kur i buzëqesh.

Më pëlqen në mëngjes, kur më përshëndesin,
Shokët kur unë i takoj.
Anembanë i gjithë qyteti
Është motivi që unë kërkoj.
Anembanë në gjithë qytetin
Gjej motivin që unë kërkoj.

Më pëlqen të jetoj,
Më pëlqen të këndoj,
Gazin njerëzve t'ua shtoj,
Ndjej kudo dritë dhe gëzim.