Festivali i 20-të në RTSH

---

Festivali i 20-të i Këngës, u mbajt në datat 25, 26 dhe 27 dhjetor të vitit 1981, në sallën e Teatrit të Operas dhe Baletit në Tiranë. Prezatues të këtij edicioni ishin Anisa Markarjan dhe Ndriçim Xhepa, emra të njohur të fushës së aktrimit. Ky festival solli ndryshime në krijimtari ku u vu re largimi nga këngët e politizuara. Ju këndua lirikës së dashurisë, natyrës, të bukurës. Ndër emrat pjesëmarrës të cilët u vlerësuan ishin shumë zëra femërore si : Ema Qazimi, Alida Hisku, Liliana Kondakçi, Irma Libohova, Myfarete Laze, Aferdita Laçi, Lindita Theodhori, Adriana Ceko, por edhe Parashqevi Simaku e cila ishte befasia dhe e veçanta e këtij festivali. Kënga fituese u shpall “ Krenari e brezave” e kënduar nga Ema Qazimi, kompozuar nga Feim Ibrahimi dhe teksti nga Gjokë Beci.

Kënga fituese u shpall "Krenari e brezave", muzika Fehim Ibrahimi, teksti Gjoke Beci, kenduar nga Ema Qazimi dhe Liliana Kondakçi.

Cmimi i dyte:
"Nusja e maleve", muzika Agim Prodani, teksti Arben Duka, kenduar nga Irma Libohova dhe Mefarete Laze.
"Drita e kongreseve", muzika Ferdinand Deda, teksti Kudret Isai, kenduar nga dueti Zeliha Sina - Petrit Lulo dhe dueti Valdete Hoxha - Bashkim Alibali.

Cmimi i trete:
"Me kujton ti ato vite", muzika Avni Mula, teksti Hysni Milloshi, kenduar nga Avni Mula dhe Alida Hisku.
"C lumturi na dha kjo jete", muzika nga Agim Krajka, teksti Arben Duka, kenduar nga Parashqevi Simaku dhe Irma Libohova.
"Agimet tona", muzika Flamur Shehu, teksti Luan Qafezezi, kenduar nga dueti Liliana Kondakçi - Adriana Ceko dhe dueti Lindita Theodhori - Tonin Tershana.