>
BIOSHQIP

Liridona Qarri Thërret, Ah … “I Ziu Gurbet”

23-11-2018
Kurbeti ndër shqiptarët ende mbetet plagë e hapur dhe e pashëruar. Me këtë temë të dhimbshme është marrë këngëtarja pasionante Liridona Qarri, e cila ka edituar këngën “I ziu gurbet”.

Kurbeti ka qenë inspirim që të krijojnë këtë këngë edhe për tekstshkruesin Abaz Selmani dhe Rrahman Kryeziun, i cili bëri muzikën dhe orkestrimin, transmeton Telegrafi.

Liridona Qarri është padiskutim një prej zërave të talentuar me një karrierë premtuese, ndërsa nuk fsheh kureshetjen për t’u njohur sa më parë me komentet apo reagimet e shumta.

Në përgjithësi klipet e saj janë plot ngjyra dhe mesazhet e këngëve kanë optimizëm.

E hareshme, e sinqertë dhe sharmante, janë këto veti dalluese për të fituar simpatinë e të gjithë qysh në shikim të parë. Megjithatë buzëqeshja e saj është kurora e lavdisë dhe bukurisë, fillim e fund.

“Si çdo krijues që i gëzohet veprës së vet, edhe unë jam shumë e lumtur dhe me padurim pres që gëzimin tim ta ndajë me publikun e shumtë. Jam optimiste se kënga do të zgjojë interesim dhe për faktin se brenda saj ka dhembje, emocione, mesazh, por edhe shpresë se kurbeti një do të do t’i takojë së shkuarës”, u shpreh këngëtarja.

Pra, dëgjojeni me afsh dhe mallëngjim, këngë më të re të Liridona Qarrit…
(Theworldnews)

Liridona Qarri Thërret, Ah … “I Ziu Gurbet”