Në mesnatë e vetme udhëtoja
pas shumë vitesh kthehem në shtëpi
drejt lindjes me tren e pagjumë

Mbylla sytë dhe zura të ëndërroja
Aladini erdhi për çudi
me llampën e tij plot magji

Më pa dhe më tha, zgjate dorën, është e jotja
asaj në çdo çast mund ti kërkosh 3 dëshira

Nënë o nënë ti hape zemrën time
plaga që pikon dhimbje unë dua të mbyllet e para

Kam dëshirë ta puth unë tokën time
të kthehem me mall tek njerëzit
dhe vitet ca shekuj mu dukën
por as unë vetë se di sa dëshira ti kërkoj
në mes ëndrrës dhe reales tek ky tren që shfryn

Një sirenë nga ëndrrat seç më zgjoi
ëndërr ishte perëndimi,
drejt lindjes po kthehem sërish

Dili nënë o vëlla,mik i zemrës i përlotur
ky tren si i çmendur po nxiton,
unë po vij, po vij

Rend o tren ti rend drejt tokës sime
malli që pikon dhimbje
më solli në viset e mia

Kam dëshirë ta puth unë tokën time
dua të shkoj tek njerëzit
dhe vitet ca shekuj mu dukën
por as unë vetë se di tokën time vallë po shoh
në mes ëndrrës dhe reales nga ky tren që shfryn

Rend o tren ti rend drejt tokës sime
malli që pikon dhimbje
më solli në viset e mia

Kam dëshirë ta puth unë tokën time
dua të shkoj tek njerëzit
dhe vitet ca shekuj mu dukën
por as unë vetë se di tokën time vallë po shoh
në mes ëndrrës dhe reales nga ky tren që shfryn