Neki Emra Në “Netët E Klipit Shqiptar“

TEKSTESHQIP

Neki Emra

Neki Emra Në “Netët E Klipit Shqiptar“

11-4-2014

Ka punuar fort rreth videokëngëve të tij. E për punën e tij në këtë drejtim, është një festival që po e vlerëson. Ndonëse për çmimet e festivalit "Netët e Klipit Shqiptar" i duhet të presë edhe pak, Neki Emra tashmë është nominuar për dy çmime në festivalin më të madh shqiptar të videoprojekteve.

"Ne po punojmë gjatë gjithë kohës. Dhe në këtë mënyrë po prodhojmë klipe e po mundohemi të ofrojmë vlera. E kur një festival na vlerëson kjo na shtynë të punojmë edhe më shumë. Është kënaqësi e veçantë pjesëmarrja ime në "Netët e Klipit Shqiptar" pasi behët fjalë për Shqipërinë. E them prapë që atje nuk më ka rënë shumë të këndoj, dhe nuk jam shumë i njohur nga ata", ka treguar fillimisht këngëtari Neki Emra, ndërsa ka treguar detaje për videot pjesëmarrëse në këtë festival.

"Klipet me të cilat jam nominuar janë ‘Engjëll Dukesh Ti’ dhe ’Një dhimbje mbete ti’. Ndërsa kategoritë në të cilat jam nominuar tregohen në javën e ardhshme". Kujtojmë që këngëtari vitin e kaluar në po të njëjtin festival ka marr çmimin e publikut.

(Arbnora Xani)

MË SHUMË LAJME

Komente 0