Nora Muqaj: Babi, Përkrahja Ime Më E Madhe...

TEKSTESHQIP

Nora Muçaj

Nora Muqaj: Babi, Përkrahja Ime Më E Madhe...

5-8-2013

Këngëtarja Nora Muqaj, vajza e aktorit të madh Bislim Muqaj vjen ekskluzivisht në këtë intervistë për të na rrëfyer jetën e saj privtae dhe të rejat muzikore. Të gjithë e dimë se ajo para disa muajsh u nda nga i dashuri i saj Arian Agushi i njohur për ne si Gold Ag. Por si erdhën deri te ndarja? A kanë më kontakte sëbashku? Gjithçka na rrëfen Nora në vazhdim...

Teksteshqip: Nora, ju jeni edhe këngëtare edhe aktore. Na trego pak rreth dashurisë që ke për artin?

Nora: Unë ndjej dashuri të veçantë për artin, skena është pasioni im si aktore këngëtare që jam.

Teksteshqip: Para disa muaj publikuat videoklipin tuaj më të ri "Natë e gjatë". Na flisni pak më shumë rreth këtij projekti?

Nora: Kënga "Natë e gjatë" është e punuar nga Baroti, tekstin e ka shkruar Gold Ag dhe klipi është realizuar në Tiranë me "M Producion" si dhe protagonist i klipit ka qenë misteri i Shqipërisë Ermal Merdani. Gjirimet kanë zgjatur 2 ditë, për grimin është kujdesur Aleksi nga Tirana dhe garderoben Flora Loshi, stilistja jonë, stili ka qenë Old Style i kombinuar me trendin e 2013.

Teksteshqip: Videoklipi është xhiruar në rrugët e Tiranës. Përse zgjodhët sërish "M Production" për ta realizuar klipin?

Nora: Zgjodha "M Producion" sepse vendosa shumë shpejt për klipin, dhe ata ishin në dispozicion në atë kohë dhe jam e kënaqur me punën që bëjnë.

Teksteshqip: Ju jeni vajza e një aktori të madh, Bislim Muqaj, na trego pak për marrdhënien tënde të fortë që keni me të?

Nora: Babin e dua më së shumti në botë, është ai që më së shumti më dha përkrahje për karierën time dhe pa babin nuk do isha këtu ku jam. E kam baba dhe shok, dhe e dua më së shumti në botë.

Teksteshqip: Para disa muaj ju ishit në lidhje me këngëtarin Gold Ag. Na trego pak si erdhët deri te ndarja?

Nora: Ndarja..hmm(qesh), kemi raporte të mira, thjesht nuk shkoi më lidhja dhe u ndamë. Aq ishte e shkruar.

Teksteshqip: Sa jeni e angazhuar gjatë verës nëpër koncerte?

Nora: Jam duke pushuar momentalisht, por do realizoj ca koncerte sapo të arrij në Kosovë, sepse kam pasur angazhime në Paris reth një filmi që do realizohet në Shtetet e Bashkuara të Amerikës, në New York ku shpresoj do përfaqësoj vendin tim si aktore.

Teksteshqip: Po pushimet verore ke vendosur ku do ti kalosh?

Nora: Pushimet i kam kaluar në një ishull të Italisë "Siestri Levante".

Teksteshqip: A do të jesh e pranishme në ndonjë nga festivalet tona?

Nora: Po patjeter, do jem e pranishme në ndonjë festival, unë jam këngëtare dhe kam deshirë që të ju ofroj fansave të pamundurën.

Teksteshqip: Nora ne të falenderojmë qe gjete kohë të ndash me fansat dhe teksteshqip për projektet e tua dhe të rejat më të fundit.Për fund dëshiron të shtosh diçka, çfarë do tu thuash fansave edhe publikut?

Nora: Faleminderit juve që gjeni kohë për ne artistat, fansat i falenderoj shumë për përkrahjen për postimet, idetë dhe dashurinë që kanë për mua, pa ata nuk do isha në skenë, falenderoj zotin për suksesin dhe vullnetin që kam.

Nora Muqaj

Natë E Gjatë

[Teksti dhe Klipi]

(Teksteshqip)

MË SHUMË LAJME

Komente 0