Nisur nga dëshira për të na dhuruar diçka artistike që do të mbetet në videotekën shqip, ky krijim muzikor përcillet tek publiku i kompletuar nga sfera vizuale edhe me një videoklip muzikor, produksioni i të cilit u përgatit nën drejtimin e Fullmoon Production. Videoklipi u publikua më 1 Qershor 2024. Këngës i janë përshtatur vargjet nga Armand Trebicka, autor i orkestrimit rezulton të jetë Marsel Gunga, ndërsa studio producenti rezulton të jetë vetë artisti. Sabiani: "Kënga jonë më e re, e cila për mua si baba është më shumë se një këngë. Ka brenda saj një domethënie të veçantë. Ia dedikoj gjithë bijave të familjeve shqiptare! Nuk jeni vetëm. Dera e babës është gjithmonë e hapur. Ju mbeteni pika e dobët e kësaj shtëpie".