Në mënyrë që të pritet sa më mirë, produkti muzikor u përcoll para publikut i kompletuar me vlera artistike me videoklip muzikor, për video produksionin e të cilit u bashkëpunua me MAX Production. Ky videoklip u publikua me datë 22 Qershor 2019. Kompozitorë janë BigDeal Records & Samanta Karavella, ndërsa produksioni u krye nga BigDeal Records. Ky është versioni anglisht i këngës shumë të suksesshme, "Vonë". Kënga mban vulën e Panik Records, të cilët kanë marrë nën menaxhim tashmë këngëtaren e njohur nga Shqipëria. Në një postim të bërë në rrjetin social Instagram, Samanta është shprehur mirënjohëse për ftesën që i bëri produksioni për realizimin e këtij projekti. "Ftesës së Panik Entertainmet Group për të risjell edhe një herë këngën me titullin "Vonë" por tashmë në versionin anglisht, iu përgjigja pozitivisht me shumë kënaqësi", kanë qenë fjalët e këngëtares. Kujtojmë që Panik Records është një prej label-ave më të mëdha në Greqi, dhe janë të njëjtët që kanë nxjerrë në treg artisten e suksesshme shqiptare, Eleni Foureira. Videoklipi u prodhua nga MAX Production, ndërsa produksioni audio u realizua nga Big Deal Records.