Ai është i biri i Seitit dhe Hamijetit nga Ladorishta e Struges, baba i 3 fëmijëve Taulantit, Sidorelës dhe Majselës. Fillet e para në muzikë i ka filluar në fëmijërinë e tij të hershme.Ai duke dëgjuar nëpër dhoma më të rriturit si këndonin këngët e bukura të vendit tij, dalëngadalë filloi që edhe vetë të këndojë në korin e shkollës. Fakultetin e Muzikës e ka përfunduar me sukses në drejtimin e Muzikologjisë në Prishtinë ndërsa Magjistraturën e Solfexhos e ka përfunduar në Sofje-Bullgari. Fillimin e tij si këngëtar ai e ka patur në festivalin "Këngë Jeho" në Strugë, ku me "Këngën e tokës" ai merr çmim të parë në këtë festival. Selami Kolonja është këngëtari i rreth 120 këngëve - krijimtari origjinale, ka realizuar disa albume dhe video-klipe. Ai është Profesor i Artit Muzikor në Universitetin Shtetëror të Tetovës.
