"T'rroftë Kosovë ty politika" quhet kënga më e re e artistes së mirëfilltë shqiptare, Shqipe Kastrati. Kënga flet për veprimtaritë e mbrapshta të politikanëve tanë, të cilët po keqpërdorin vazhdimisht vlerat kombëtare, duke i shndërruar ato në çështje të shëmtuara private. Për tekstin është përkujdesur tekstshkruesi i mirënjohur tashmë, Valmir Lleshi, ndërkaq aranzhmani dhe muzika mbajnë vulën e artistit të moçëm Burim Krasniqit. Me këtë projekt, Shqipja na dëshmon se është unike në estradën tonë dhe se di të godasë në shenjë gjithmonë me këngët e saj.