Produkti muzikor u përcoll online i kompletuar nga ana vizuale edhe me videoklip muzikor, i cili u publikua më 25 Qershor 2018. Për muzikën e këngës ka punuar kompozitori Irkenc Hyka, ndërsa teksti është përshtatur nga Petro Xhori. Këngëtarja ka thënë se kënga "Me zemër" ka motive të një historie dashurie, por asgjë nuk është personale. Videoklipi është realizuar në Kotor të Malit të Zi, dhe xhirimet nuk kanë marrë shumë kohë. "Për mua ka qenë me rëndësi mu promovua zëri im, e jo diçka tjetër", ka deklaruar këngëtarja duke arsyetuar kohën e shkurtër të xhirimeve të videoklipit.