>
BIOSHQIP

Kështu Urojnë Artistët Për Festën E Pavarësisë

17-02-2016
Data 17 shkurt ka një domethënie të madhe për mbarë popullin tonë. Tetë vjet më parë, po në këtë datë, populli ynë u bë me shtet të dytë të pavarur, Kosovën. Urimi ynë për shekujt e brezat që vijnë, kalon çdo kufi tjetër. Pyetur rreth asaj se si do e uronin tetë vjetorin e pavarësisë së Kosovës, artistët uruan kështu:...

Remzie Osmani:



Gëzuar 8 vjetori i pavarësisë së Kosovës. Uroj që me punën tonë, me përpjekjet tona, po dhe me sakrificën tonë të jemi më të bashkuar se kurrë, të çojmë përpara Kosovën tonë me një qëllim, për një të ardhme sa më të mirë për popullin tonë shqiptar. Gëzuar!

Arsim Bunjaku:



Urime të gjithë shqiptarëve kjo ditë e shënuar, që erdhi pas një rrugëtimi të gjatë dhe plot sakrifica, një ëndërr e cila mori jetë sot e tetë vjet më parë, një moment për të cilin u dha aq shumë nga breza të tërë, e që vazhdon të mbetet një datë e shkruar me germa të arta në kalendarin e zemrave tona. Le të jetë ky frymëzim i përhershëm për ata që do të vijnë, dhe të mos harrohen ata që u flijuan dhe derdhën gjakun që ne ta shijojmë lirinë që e deshëm aq shumë...

Shqipe Kastrati:



Të gjithë popullit shqiptar, kudo që gjinden, "Gëzuar pavarësinë", me të vetmen dëshirë që vitet tjera t'i festojmë në një shtet, në një Shqipëri etnike. Gëzuar Kosova ime e dashur!

Nexhat Osmani:



Ju uroj të gjithëve festën e pavarësisë. Shpresoj të vijë koha që të krenohemi për këtë shtet dhe të festojmë ashtu si i ka hije një shteti dita e pavarësisë, e jo me protesta!

Afërdita Demaku:



I uroj gjithë popullit shqiptar, urime pavarësinë. Fat e mbarësi për të gjithë ne. Dhashtë Zoti që në të ardhmen të lëvizim më të lirë e të festojmë më të bashkuar!

Labinot Rexha:



Do të kisha dëshirë të uroja si presidenti historik, dr. Ibrahim Rugova, që thoshte: "Dua të bëhet -Dardania e Shqipërisë-". Prandaj, ju uroj të gjithëve "pavarësinë dardane" të Shqipërisë. Uroj në përshpejtimin e hapave për Bashkimin Evropian dhe liberalizimin e vizave, që populli të mos jetë më i izoluar...

Gressa Behluli:



Të dashur shqiptarë kudo që jeni, gjithë ndjenja e dhimbjes dhe krenarisë së popullit tonë u kurorëzua me fitoren e pavarësisë. Me gjithë zemër, Gëzuar!

Gjon Karrica:



17 Shkurti është datë tejet e rëndësishme për historinë e Kosovës, pasi pas një sërë përpjekjeje, Kosova fitoi pavarësinë, duke realizuar ëndrrën më të madhe të shqiptarëve. Kjo datë është me rëndësi të jashtëzakonshme. Po, a është vendi plotësisht i pavarur? Më duket që ka shumë punë për t'u bërë, e kjo është detyrë e politikës në vend. Uroj për ditë më të mira, për më shumë punë, por edhe liri të shprehjes. Kosova duhet të ecë përpara, në hap me botën. Urime!

Kolë Oroshi:



Urime 8 vjetori i pavarësisë! Ta duam dhe ta respektojmë njëri-tjetrin. Zoti e bekoftë popullin shqiptar!
(Arsim Kolari - teksteshqip.com)

Kështu Urojnë Artistët Për Festën E Pavarësisë