TEKSTESHQIP

Ledina Çelo
Kerko Dashurine
Lyrics

Sa pak e njohim veten, sa gabojmë,
kur themi se për jetë dashurojmë,
besojmë se nuk ka tjetër dashuri,
çudi se si besojmë........... çudi!?

Asnjëherë nuk e dimë sa jetojmë,
ikën jeta, sa shpejt fluturon,
ok, sa pak, fare pak dashurojmë,
vetëm një dashuri nuk mjafton.

Dhe sa herë ne dëgjojmë rrahje tjetër
dhe sa herë ne pësojmë një zhgënjim,
e harrojmë dashurinë tonë të vjetër,
vetëm ruajmë diku një kujtim.

(refren)
Ikin vitet, ikin vitet, ne s'e kuptojmë,
zbehet kënga e zemrës, rrahjet
më s'i dëgjojmë.

Të falem dashuri, të adhuroj
për çastet që më bëre të jetoj.
Një dashuri e re tani më thërret,
një tjetë jetë…

Si lindin yjet, ndrisin dhe perëndojnë,
ashtu edhe ndjenjat tona, një ditë shterojnë,
një dashuri e freskët pas tyre pret,
një tjetër jetë…
------------

Asnjëherë nuk e dimë sa jetojmë,
ikën jeta, sa shpejt fluturon,
ok, sa pak, fare pak dashurojmë,
vetëm një dashuri nuk mjafton.

Dhe sa herë ne dëgjojmë rrahje tjetër
dhe sa herë ne pësojmë një zgënjim,
e harrojmë dashurinë tonë të vjetër,
vetëm ruajmë diku një kujtim.

DËRGOI:
INFO
Autor i muzikës është Flamur Shehu, për tekstin janë zgjedhur vargjet e shkruara nga Jorgo Papingji, ndërsa për orkestrimin është përkujdesur Alfred Kaçinari.