E i fortë po shndrit ai diell,
dhe burimi këngës lugjeve
i përcjell.

E i fortë po ngroh ky diell,
edhe trimat nëpër mend m'i sjell,
m'i përkëdhel.

Nga ky diell i kohës sime,
shndrisin shekujt në agime.
Dhe naganti i shqiptarit zjarr,
flakëron!

Ref.: (2x)
Po ku ka si ti, o Shqipëria ime,
o fisnikja përmbi gur!
Rrjedh në këngë e ligjërime,
ballëlarta me flamur!

E i fortë po bie ai terr,
dhe lahuta tingujt m'i çon larg,
i përcjell.

E i fortë po bie ai terr,
partizanët nëpër mend m'i sjell,
po m'i sjell.

Nga ky zë i tokës sime,
flasin shekujt me gjëmime.
Edhe krisma e shqiptarit rrjedh,
brez më brez.

Ref.: (2x)
O ku ka si ti, o Shqipëria ime,
o fisnikja përmbi gur!
Rrjedh në këngë e ligjërime,
ballëlarta me flamur!