Studio: Ja Ku Jam (2004)

TEKSTESHQIP

Ardit Gjebrea

Ja Ku Jam (2004)

Gjejmë të ftuar gjithashtu edhe disa artistë të tjerë si Dr. Flori dhe Inva Mula. Në këtë projekt diskografik, pubklimi i të cilit u bë në vitin 2004, janë radhitur 14 këngë të ndryshme. Për publikimin dhe lansimin u besua tek produksioni Supersonic.

Ka dëshmuar edhe njëherë se qëndron në majë të elitës së këngtarve shqiptarë dhe ktë e ka vërtetuar dje në shoun (shoë) më spektakolar të viteve të fundit të realizuar në Shqipëri. Është ngjitur në skenë, si askush tjetër më parë, për të promovuar albumin e tij të ri “Ja ku jam” dhe në të vërtetë ai ishte aty mes gjallërisë, ritmit, ngjyrave dhe efekteve speciale. Mes një publiku të mrekullueshëm, që kishte mbushur sallën e Pallatit të Kongreseve, Ardit Gjebrea ka interpretuar katërmbëdhjetë këngët e albumit të tij të ri me ritmet nga më të ndryshmet nën shoqërimin fantastik të balerinve rusë të Akademisë së Kievit, të cilët i kanë dhënë ritëm atmosferës festive që kishte pushtuar Pallatin e Kongreseve. Një koncert që kap shkallën më të lartë të nivelit artistik dhe që mund të krahasohet me koncerte të yjeve të muzikës botërore. Stafi i Televizionit Klan, nën drejtimin e regjisores Vera Grabocka, përveç atmosferës në sallë, kanë realizuar edhe një produksion televiziv të rrallë në llojin e tij, i cili shumë shpejt do të vijë në ekrane edhe për publikun mbarë shqiptar. Gjithçka është ndërtuar nën skenografinë e Bashkim Zahajt dhe në ndriçimin e mrekullueshëm, fantastik të studios “Alps” dhe specialistve grekë, të mbërritur enkas në ktë koncert. Ardit Gjebrea është shoqëruar në performancën e tij lajv (live) nga orkestrantë italian dhe një orkestër harqesh të Akademisë së Arteve me violin të parë Ibrahim Madhin. Publiku në sallë është elektrizuar nga atmosfera e krijuar dhe e ka shoqëruar në çdo këngë Arditin, i cili nuk ka lënë pa performuar për ta edhe disa nga hitet e albumit të tij të kaluar me grupin “Projekt Jon”. Por surpirza më e madhe e mbrëmjes, e cila ishte mbajtur e fshehtë deri në minutat e fundit, ishte ngjitja në skenë, përkrah Ardit Gjebresë, në performancën e këngës “Të dua”, e sopranos shqiptare me famë botërore, Inva Mula. Kështu këngëtari i njohur ka vendosur të mos zhgënjejë publikun e tij.

KËNGËT ME TEKSTE & VIDEO