Argjentina Ramosaj është me origjinë nga Deçani. Ashtu si shumë fëmijë të tjerë jo, duke e ditur gjendjen e rëndë në Kosovë, ajo ishte 1-vjeçe, kur familja e saj emigroi në Holandë, në qytetin Asen. Ka studiuar art dhe dizajn grafik në qytetin e Den Bosch. Për Argjentinen interesi në muzikë ka qenë gjithmonë aty, e rrethuar nga muzikantë në familjen e saj. Është e re, e bukur dhe shumë e talentuar. Bukuroshja nga Deçani, tregoi me këngën e saj të parë, "Shpirt i mbytur", se nuk është vetëm një vajzë simpatike, një modele e zonja, por është mbi të gjitha, edhe një këngëtare shumë e mirë. Ndonëse aktualisht është duke punuar fort për të sjellë këngë dhe foto (duke qenë se dashuria e saj e parë është fotomodelimi) sa më të bukura, ajo gjen gjithmonë kohë për intervista. "Në nje rrëfim me gazetaret Argjentina ndan "sekretet" që fshihen brenda dhomës së saj të gjumit, duke pohuar se më së shumti, preferon të flerë e zhveshur. Argjentina mund të konsiderohet pa frikë si një nga "gjetjet" ndër artistët e rinj. Emri i saj interesant derivon nga metali i çmuar i argjendit. Ajo është jo vetëm e talentuar dhe e bukur, por e gjithanshme; ndërkohë që studion për Grafikë në Holandë, ushtron paralelisht fotomodelimin si dhe guxon të bëjë fotografen profesioniste. Në fakt, gjithçka që ka të bëjë me foton bukuroshja kosovare e ka në gjak, sepse e ëma e saj, Suzana Mushkola është një fotografe mjaft e kërkuar në Holandë. Fakti që këngëtarja e "Shpirt i mbytur", që shfaqet prej disa kohësh në ekranet tona muzikore, është mbesa e Albërie Hadërgjonajt, nuk e ka eklipsuar talentin e saj, përkundrazi. 19-vjeçarja që arrin me siguri të bëjë xheloze me bukurinë e saj mesdhetare çdo femër në Holandë, e që ka lidhur zemrën me një djalë shqiptar, Valonin, pohon se e pëlqen pa masë artin, madje thotë se do të guxonte të pozonte nudo, pse jo, por asnjëherë në versionin pornografik.
