Këngën e kompozoi Kledi Bahiti, tekstin e mori përsipër Olti Curri, ndërsa arranzhimi janë sjellë tek publiku nga Threedots. E ka nisur karrierën me balada dhe pikërisht një baladë dashurie i dha asaj një çmim të shumëpritur e të merituar pas 10 viteve karrierë si këngëtare. Përherë e ëmbël, me një pamje sa të brishtë dhe melankolike ndonjëherë, Samanta gjithmonë u ka dhënë këngëve nga shpirti i saj. Shpesh e rezervuar në eksperimente muzikore, suksesi e gjeti kur ajo e priste më pak, piëkrisht në 10 vjetorin e Top-Fest, ku artistë të njohur e të rinj kanë rrëmbyer trofeun e fitores. Një fitore që për disa artistë ka hapur dyert e një karriere të sigurt. Ndërsa Samanta pohon se tashmë si fituese ka më shumë përgjegjësi në gjërat e reja që do të sjell. "Janë shtuar përgjegjësitë ndaj meje dhe jam duke punuar shumë për projektet e radhës", pohon Samanta, ende nën ethet e të qenit fituese e njërit prej festivaleve më prestigjoz të muzikës moderne në Shqipëri.