Festivali i 28-të në RTSH

---

Festivali i 28-të i Këngës në Radio Televizion u zhvillua në datat 25, 26, 27 dhjetor të vitit 1987, në sallën e Pallatit të Kongreseve, në Tiranë. Shumë të rinj dhe të talentuar vit pas viti shpalleshin fitues në historinë e festivaleve. Kështu ndodhi edhe në këtë edicion, ku triumfuan tri zëra të rinj si: Frederik Ndoci, Manjola Nallbani dhe Julia Ndoci. Te tri artistët i bëri bashkë kompozimi i Aleksandër Peçit dhe poeti Xhevahir Spahiu, për këngën “Toka e diellit”, e cila u shpall fituese. Këngë kjo e cila do të mbetet gjatë në memorien e publikut si një jehonë e dashurisë ndaj atdheut, ashtu sikurse teksti tregonte. Prezantimi i këtij festivali iu besua një tjetër aktoreje kinematografike dhe teatri, si Luiza Xhuvani.

Kënga fituese u shpall "Toka e diellit", muzika Aleksander Peçi, teksti Xhevahir Spahiu, kenduar nga trioja Frederik Ndoci - Juli Ndoci - Manjola Nallbani.

Cmimi i dyte:
"Jemi zemra e çdo moshe", muzika Pirro Cako, teksti Agim Doçi, kenduar nga trioja Morena Reka - Bledar Sejko - Redon Makashi.
"Emrin ty kush s ta di", muzika Flamur Shehu, teksti Zhuliana Jorganxhi, kenduar nga Irma Libohova.

Cmimi i trete:
"Zemrat det i gjere", muzika Dorian Nini, teksti Bashkim Hoxha, kenduar nga Luan Zhegu.
"Jetoj", muzika Agim Krajka, teksti Zhuliana Jorganxhi, kenduar nga Parashqevi Simaku.
"Mora shoqezen perkrah", muzika Josif Minga, teksti Lasgush Poradeci, kenduar nga Aferdita Zonja.