Festivali i 46-të në RTSH

---

FESTIVALI I XLVI I KENGES NE RADIOTELEVIZION
dhjetor 2007 - Salla e Pallatit te Kongreseve

Olta Boka eshte fituesja e festivalit te 46-te te kenges ne radio televizionin shqiptar.
Me kengen e saj "Zemrën lamë peng" do te jete dhe perfaqesuese e shqiperise ne Eurovision 2008.
Nje cmim i pare qe ka shkaktuar edhe shume polemika nder pretendent dhe ne juri.
E gjendur si "Liza në botën e çudirave", pavarësisht zanafillës së debateve të lindura pas vlerësimit të më të mirës së Festivalit të 46-të të këngës në RTSH,
gjithë pesha bie mbi fituesen e kësaj gare, Olta Bokës, një vajze të re, që papritur shfaqet në skenën e madhe të festivalit dhe papritur rrëmben çmimin e parë. Është një zbulim i "Gjeniut të vogël" dhe është e para herë që ajo përballet me një emocion të tillë. Por jo vetëm pesha e gjithë këtij debati të nisur që mbrëmjen e së dielës, por edhe reagimet e këngëtarëve të tjerë, pjesëmarrës në këtë garë, pas deklarimit të emrit të saj si fituese kanë qenë të aspra kundrejt saj, një 16-vjeçareje që hipën për herë të parë
në skenë dhe falë talentit korr sukses. Dhe janë jo të paktë, por emra të njohur të muzikës, që jo vetëm s’e kanë uruar apo përshëndetur, por edhe kanë folur keq
për të, e cila e vetme ka pritur në backstage deklarimin e pikëve. Olta Boka është nxënëse e gjimnazit "Sami Frashëri" në Tiranë, e cila rrëmbeu një trofe të papritur
për të, e treguar mjaft qartë nëpërmjet lotëve të saj. Fituesja e çmimit të parë në Festivalin e Këngës në RTSH, vetëm pak çaste pas marrjes së çmimit është
shprehur se ky moment e ka ndryshuar tërësisht jetën e saj. Duket se lotët që i kanë nisur qysh në momentin kur dëgjoi emrin si fituese, nuk ka mundur t’i ndalë edhe pasi mori në duar trofeun. Por si ndjehet Olta pas kësaj fitore? "Duke qenë se është hera e parë që marr pjesë është një kënaqësi shumë e madhe që nuk e kisha imagjinuar dhe madje, që ende nuk arrij ta besoj", shprehet ajo mes lotëve, e cila e kontaktuar paraditen e djeshme nga gazeta "Panorama" ka vazhduar rregullisht orët e mësimit në shkollë, ku e prisnin edhe mjaft urime nga shoqëria. "Çmimi i parë do të thotë shumë, do të thotë gjithçka, do të thotë vetë jetën time. Ky çmim vërtet më ka ndryshuar jetën. Dhe nuk di çfarë të them për Eurosong, atje do ta shohim, do e përballoj ose jo", ka shtuar Boka për gazetën, duke thënë se ky çmim i jep më shumë përgjegjësi, por ndoshta edhe do ta inkurajojë më shumë.


Drejtor i Festivalit: Zamira Koleci
Drejtor artistik: Edmond Zhulali
Regjisor: Pali Kuke
Skenograf: Bashkim Zahaj
Skenari:
Dirigjent: Jetmir Barbullushi, Oleg Arapi, Selim Ishmaku,
Orkestra Simfonike e RadioTelevizionit
Prezantues:

ÇMIMI I PARE
Titulli i këngës: Zemrën e lamë peng
Muzika: Adrian Hila
Teksti: Pandi Laço
Këndon: Olta Boka
Orkestruesi: Adrian Hila

ÇMIMI I DYTE
Titulli i këngës: Jeta kërkon dashuri?
Muzika: Edmond Zhulali
Teksti: Agim Doçi
Këndon: Flaka Krelani/Doruntina Disha
Orkestruesi: Edmond Zhulali

ÇMIMI I TRETE
Titulli i këngës: Një qiell i ri
Muzika: Endri Sina
Teksti: Saimir Braho
Këndon: Juliana Pasha
Orkestruesi: Endri Sina