Gjeniu I Vogël 8

---

Edicioni i 8-te. Nje superproduksion qe mban vulen e Pandi Laço, Bledi Laço dhe Adi Hila, si autorët te tij. Spektaklit për fëmijë më i ndjekur e me popullor në ekranet shqiptare. Finalja u zhvillua në tre raunde, ku 12 finalistët e këtij edicioni u përballën fillimisht në 6 sfida, nga ku fitues dolën, Ea Zoga, Françeska Kasa, Anja Myrtaj, Nikol Çabeli, Rei Bardhollari, Marinela Mançellari. Theksojmë këtu faktin që sfida e fundit e raundit të parë, mes Marinelës dhe Irsa Haxhillarit kaloi në balotazh, dhe të dyja vajzat iu rikthyen një përballjeje të dytë nga ku juria kaloi më tej Marinelën. Në tre sfidat e radhës, pas shortit të hedhur, dolën fitues Ea Zoga, Françeska Kasa dhe Anja Myrtaj. Një treshe e cila do të garonte në raundin e tretë për të nxjerrë më të mirën mes tyre. Dhe me vendimin unanim të jurisë Ea Zoga u shpall fituese. Si çdo finale, patjetër që mbrëmja ka qenë e mbushur me emocione, por përballë fëmijëve ato dyfishohen.

Ka qenë vetë moderatorja e para, Jonida Vokshi e cila nuk i përmbajti dot lotët, teksa bënte një rezyme të gjithçkaje që kishte ndodhur në 16 javë rrugëtim. Mjaft e lidhur dhe e afeksionuar pas fëmijëve, duket se ndarja nuk do tëishte aspak e lehtë për moderatoren, që shkëlqeu së bashku më ta në këtë edicion të “Gjeniu i Vogël”.


“Mezi pres të fillojë kjo natë e të ndjek me radhë sfidat, por mund t’ju them se jam qe tani shumë e emocinuar dhe më duhet t’iu them se do të më marrë shumë malli për ju…” – kanë qënë këto fjalët e Jonida Vokshit në hapje të spektaklit, të cilat kanë përlotur më pas moderatoren e njohur.

Pas 16 javësh rrugëtim dhe një gare të fortë, ku të përgjidhje fituesit bëhej një sfidë gjithnjë e më e vështirë, “Gjeniu i Vogël 8” shpalli mbrëmjen e djeshme fituesin e tij, vogëlushen nga Shkodra Ea Zoga. Vogëlushja shkodrane me një background familjar artistik, spikati që në prezantimin e saj të parë në këtë edicion.