Festivali i 24-të në RTSH

---

Në datat 24, 25 dhe 26 dhjetor të vitit 1985, u mbajt Festivali i 24-t i Këngës në Radio Televizion. Udha e këtij rrugëtimi artistik të festivalit sa vjen e bëhet më e bukur. Liria e mendimit, e krijimtarisë, e të shkruarit prekte çdo vit e më shumë këtë ngjarje të bukur të muzikës së lehtë shqiptare. Parashqevi Simaku, një ndër zërat më të preferuar të viteve ’80, u bë fituese e këtij edicioni të festivalit të këngës… në këtë edicion, kënga triumfuese mes 32 këngëve konkurrente, u shpall “Në moshën e rinisë”, kompozuar nga Vladimir Kotani, shkruar në tekst nga Arben Duka. Prezantimi i këtij festivali iu besua një prej aktoreve më të suksesshme të kinematografisë shqiptare, Yllka Mujo.

Ne kete festival filloi interpretimi i kengeve vetem nga nje interpretues (perveç festivalit te 11).

Kënga fituese u shpall "Në moshën e Rinisë", muzika Vladimir Kotani, teksti Arben Duka, kenduar nga Parashqevi Simaku.

Cmimi i dyte:
"Enver o yll, o drite", muzika Hajg Zaharian, teksti Zhuliana Jorganxhi, kenduar nga Mefarete Laze.
"Ti mbetesh pranvera", muzika Gazmend Mullahi, teksti Koçi Petriti, kenduar nga Lindita Theodhori.

Cmimi i trete:
"Partia ime", muzika Agim Krajka, teksti Ismail Kadare, kenduar nga Tonin Tershana.
"Viti i ri", muzika Ferdinand Deda, teksti Kudret Isai, kenduar nga Aferdita Laçi.
"Lulet e molles", muzika Enver Shengjergji, teksti Vullnet Mato, kenduar nga Bashkim Alibali.