Festivali i 26-të në RTSH

---

Festivali i 26-të i Këngës në Radio Televizion u zhvillua në datat 25, 26, 27 dhjetor të vitit 1987, në sallën e Teatrit të Operas dhe Baletit, në Tiranë. Ky festival solli një sërë ndryshimesh nga festivalet e kaluara, si në formë edhe në përmbajtje. Silvana Braçe, një emër i njohur i televizionit, drejtoi këtë festival. Një ndër këngët më të bukura të këtij edicioni, rrjedhimisht me e pëlqyera nga kritika (juria profesioniste) dhe nga publiku, ishte kënga “Nuk e harroj” kënduar nga Irma dhe Eranda Libohova, dy motrat të cilat për herë të parë u vlerësuan me këtë çmim. Kënga u kompozua nga Agim Krajka dhe u shkruajt në tekst nga Haxhi Rama.

Kënga fituese u shpall "Nuk e harroj", muzika Agim Krajka, teksti Haxhi Rama, kenduar nga dueti Irma dhe Eranda Libohova.

Cmimi i dyte:
"A do vish", muzika Osman Mula, teksti Agim Doçi, kenduar nga Luan Zhegu.
"Lot me ty o djale se ta di merakun", muzika Vladimir Kotani, teksti Arben Duka, kenduar nga Kozma Dushi.

Cmimi i trete:
"Nje jete nga jeta ime", muzika Flamur Shehu, teksti Jorgo Papingji, kenduar nga Ermira Babaliu.
"E vogla mes shoqesh", muzika David Tukiqi, teksti Gjoke Beci, kenduar nga Anita Bitri.