Më 22 shtator filloi faza e parë e prezantimit të artistëve tek 'E diela shqiptare', ku këtë vit për dallim nga vitet e kaluara u këndua ‘live’ qysh në fazën e parë. Ky rregull vlen si për artistë e rinj ashtu edhe ata ‘Big’. Kënga Magjike 2019 u prezantua nga Ardit Gjebrea dhe Adrola Dushi.

Ndryshimi i votimit në këtë festival pas 20 vitesh, ishte shumë interesant për publikun e me shumë rrezik për artistet pjesëmarrës, pasi kemi parë shembuj kur ka ndodhur që votimi i publikut ta rrëzoje atë të kolegëve (shteteve, në Eurovision), kështu që deri në momentet e fundit, gjithçka mund të ndryshojë dhe fituesi mbeti enigmë deri në fund.

Këngëtarja Eneda Tarifa është shpallur fituesja e këtij edicioni, e cila u paraqit në këtë festival me këngën e bukur të punuar nga Flori Mumajesi, "Ma zgjat dorën" dhe ka bërë një performancë fantastike në netët finale. Në vendin e dytë edhe këtë vit kemi këngëtaren Fifi, e cila këtë vit është paraqitur me këngën "Marova". Në vendin e tretë është rankuar Anxhela Peristeri me këngën "Dikush i imi".

Pas marrjes së çmimit Eneda tha se do të donte që ky çmim të ndahej përgjsymë dhe t’ia jepte pjesën tjetër Fifit. Ky edicion i “Kënga Magjike” erdhi me mision bamirës për të prekurit nga tërmeti i 26 Nëntorit. Të hollat që u fituan nga ky festival do të për ndihma ndaj familjeve që humbën shtëpitë nga tërmeti.