Më mbaj mend (për 1 muaj)

21/03/2021 - 29/05/2021
Studiot E Rtv Klan
Prezantuesit: Ardit Gjebrea & Marsela Çibukaj
Tv Klan /

Me plot emocion dhe tension ka përfunduar edicioni i 22-të i festivalin shqiptar, Kënga Magjike. Nata e finale kësaj radhë është prezantuar nga autori dhe producenti Ardit Gjebrea, e po ashtu edhe artistja Marela Çibukaj. Në mesin e shumë artistëve, rezultoi që çmimin kryesor ta marrë Alban Ramosaj me këngën “Thikat e Mia”, një këngë e thellë, revoltë dashurie, u pëlqye që me prezantimin e parë dhe u bë virale për javë të tëra në rrjet. Këngëtari jo vetëm që ofroi atmosferë të mrekullueshme më këngën, por mori vëmendje edhe me paraqitjen skenike.

Në vend të dytë renditet Klajdi Haruni dhe Flori Mumajesi, ndërsa në vend të tretë këngëtarja nga Gjeorgjia, Nutsa. Pas fitores, mjaft i emocionuar e i përlotur, Albani tha se nuk i gjen dot fjalët. Duke falënderuar të gjithë kolegët që e kanë mbështetur dhe votuar, ai mundi të thoshte: "Faleminderit të gjithëve! E kam menduar këtë moment dhe nuk po më besohet akoma, nuk kam fjalë. Faleminderit nga shpirti, nga zemra, më rikujtuat arsyen përse bëj këtë që bëj. Ju falënderoj nga shpirti edhe njëherë. Ndihem më i vlerësuar se kurrë, jam pa fjalë. Faleminderit nga shpirti".

Pasi mori kupën, ai kërkoi me sy të ëmën, që ishte e pranishme në sallë, dhe ia dedikoi asaj çmimin e parë: “Mam, ku je? Kjo është për ty dhe për gjithçka ke bërë për mua”, – tha ende pa e mbledhur veten nga emocionet.

Sikurse para dy vitesh, edhe këtë herë, në garë ishin edhe artistë ndërkombëtar, ndërsa nuk munguan as artistët e rinj. Nata e parë gjysmëfinale e këtij festivali u mbajt më 26 maj, ndërsa e dyta më 27, ku garuan një numër i madh artistësh.

Nata finale filloi dhe gara mes konkurentëve duket e ngushtë. Këtë vit ndryshe nga vitet e tjera e veçanta e këtij spektali ishte video prezantimi i këngëtarëve nga persona të njohur të showbizit shqiptar.

Vlen të përmendet se pjesë e jurisë këtë vit kanë qenë: Enkel Demi, Jonida Maliqi, Markelian Kapidani, Arben Skënderi dhe Kozeta Kurti. Herën e fundit që u mbajt Kënga Magjike, në vitin 2019, fituese u shpall Eneda Tarifa me këngën “Ma Zgjat Dorën”.


Zgjidhni me sa yje do votoni

Mesatarja:  4.5 / Votuan:  17

Komente 0